Ádilet mınıstrligi erteń elordada «Shapaǵat-2011» baıqaýynyń jeńimpazdaryn marapattaıdy
ASTANA. 21 sáýir. QazAqparat - 22 sáýir kúni Qazaqstan Respýblıkasy Ádilet mınıstrliginiń Zııatkerlik menshik quqyǵy komıteti, ónertabys salasy boıynsha jetistikterdiń 8-respýblıkalyq «Shapaǵat-2011» baıqaýynyń jeńimpazdaryn marapattaýǵa arnalǵan saltanatty kesh ótkizedi.
Atalmysh sharany Ádilet mınıstrligi «Ulttyq zııatkerlik menshik ınstıtýty» respýblıkalyq memlekettik qazynalyq kásiporny men Bilim jáne ǵylym, Indýstrııa jáne jańa tehnologııalar mınıstrlikterimen birlesken túrde júzege asyrmaq.
Jıyn barysynda Ádilet, Bilim jáne ǵylym, Indýstrııa jáne jańa tehnologııalar vıtse-mınıstrleriniń, Eýrazııalyq patenttik uıym Prezıdenti A.N. Grıgorev myrzamen jáne QR Ádilet mınıstrliginiń Zııatkerlik menshik quqyǵy komıteti tóraıymymen baspasóz máslıhaty ótedi.
Saltanatty sharaǵa qatysýshylar onda «Bolashaqty josparlaý» atty kórmeni tamashalaı alady. Іs-shara eldiń óndiristik-ekonomıkalyq damýyndaǵy ınnovatsııalyq jańalyqtardy engizý, ónerkásiptik menshik salasyndaǵy úzdik jetistikterdi nasıhattaý jáne osy salaǵa ınvestıtsııa tartý maqsatyn kózdeıdi. Marapattaýǵa arnalǵan saltanatty kesh qazaq estradasy juldyzdarynyń qatysýymen ótetin merekelik kontsertpen aıaqtalady.
