Ádilet mınıstrligi elektrondy notarıat júıesin iske qosýǵa daıyndalýda - ınternet konferentsııa
amyrdyń 24-i. QazAqparat /Aıdar Ospanalıev/ - Ádilet mınıstrligi elektrondy notarıat júıesin iske qosýmen aınalysýda. ıAǵnı respýblıkanyń barlyq notarıýstary elektrondy notarıat júıesine qosylady. Endi kez-kelgen iskerlik qatynastarǵa qatysty reestrlik nómirdi burynǵydaı notarıýs jazbaıdy, nómir ortalyqtandyrylǵan túrde beriledi.
Atalmysh máselege qatysty jańalyqpen búgin Astanada V-news portaly arqyly ótken ınternet-konferentsııa barysynda Ádilet mınıstrliginiń tirkeý qyzmeti jáne quqyqtyq kómek kórsetý komıteti tóraǵasynyń orynbasary Oljas Bektenov tanystyrdy, dep habarlaıdy QazAqparat.
Onyń aıtýynsha, atalmysh júıeniń tıimdi jaqtary óte kóp. «Sonyń ishinde jyljymaıtyn múlikke qatystysyn aıtatyn bolsaq, mysaly bir azamat ekinshi azamatqa páter satady. Olar birinshi kezekte notarıýsqa baryp, kelisim jasap, oǵan notarıýstyń mórin bastyrady. Budan soń qujattar halyqqa qyzmet kórsetý ortalyǵyna ótkiziledi de páterdi satyp alýshy qujattardy Ádilet mınıstrliginiń ókilderi tirkegenge deıin kútedi. Sodan soń baryp qana páterdi satyp alýshy úıdiń zańdy ıesi bolady. Al jańa júıe boıynsha azamattar notarıýsqa kelip, qujattaryna mór bastyrady. Sol mezette qujat málimetteri avtomatty túrde ádilet salasynyń organdaryna kelip túsedi de notarıýs sol mezette páter ıesine onyń zańdy qojaıyny ekendigin rastaıtyn qujat beredi. ıAǵnı páter alýshy azamatqa burynǵydaı halyqqa qyzmet kórsetý ortalyǵyna baryp, qujattardyń resimdelýin jedeldetýdi surap, áýre-sarsańǵa salynbaıdy», dedi O.Bektenov.
