Ádilet mınıstrligi alıment óndirip alatyn sot oryndaýshylaryna aqyny arttyrmaq

ASTANA. QazAqparat - QR Ádilet mınıstrligi jeke sot oryndaýshylaryna alıment jáne jalaqyny óndirip alý boıynsha qyzmetterine aqy kólemin arttyrýdy josparlap otyr, dep habarlaıdy QazAqparat vedomstvonyń baspasóz qyzmetine silteme jasap.

«Qazaqstan Respýblıkasynyń Ádilet mınıstrligi «Jeke sot oryndaýshysynyń alımentterdi jáne jalaqyny óndirip alý týraly atqarýshylyq qujattar boıynsha májbúrleý sharalaryn qoldanýyna baılanysty qyzmetine aqy tóleý mólsherin belgileý týraly» Qazaqstan Respýblıkasy Úkimetiniń 2015 jylǵy 24 jeltoqsandaǵy № 1053 qaýlysyna ózgerister engizýge bastama jasady, onda jeke sot oryndaýshylarynyń alımentti jáne jalaqyny óndirip alý týraly atqarýshylyq qujattar boıynsha májbúrleý sharalaryn qabyldaýmen baılanysty qyzmetiniń aqysyn 5-ten 15 AEK kóbeıtý usynylǵan», - delingen mınıstrlik aqparatynda.

Aıta keteıik, elimizde 1 aılyq eseptik kórsetkish 2269 teńgege teń.