Ádilet mınıstrligi aqyly sot saraptamalarynan 0,5 mlrd teńge tabys tapty
«2020 jyly 177 myńnan astam sot saraptamasy júrgizildi. Aqyly qyzmetter boıynsha tabys 475 mln teńgeni qurady. Ol 2019 jylmen salystyrǵanda 81 mln teńgege nemese 20,8 paıyzǵa artyq», - dedi ol mınıstrliktiń keńeıtilgen alqa otyrysynda.
Vıtse-mınıstrdiń aıtýynsha, 319 sot sarapshysynyń biliktilikti arttyrý, onyń ishinde vırtýaldyq aýtopsııa jáne kompıýterlik tehnologııalar sııaqty saraptamanyń jańa túrleri boıynsha kýrsy uıymdastyryldy. Sot-saraptamalyq zertteýlerdiń 15 jańa ádistemesi ázirlendi. Jańa kásibı standarttar bekitildi. Saraptama sapasyn baqylaý jáne baǵalaý mehanızmi jetildirildi. Ortalyqtyń 3 fılıalyna akkredıtatsııa júrgizildi. Akkredıtatsııalaýǵa taǵy 6 fılıal daıyndaldy.
«Sarapshylardyń eńbekaqysyn kóbeıtý máselesi pysyqtaldy. Jeltoqsan aıynda medıtsınalyq sot sarapshylarynyń eńbekaqysyn jumys berýshiniń qarajaty esebinen 30 paıyzdan 45 paıyzǵa deıin, zeınetaqy jarnasyn 5 paıyzǵa kóbeıtýdi kózdeıtin Úkimet qaýlysy qabyldandy», - dedi Azamat Ámirǵalıev.