Ádilet mınıstrligi ádilet organdarynyń jospardan tys tekserý júrgizý protsedýrasy boıynsha zańǵa ózgeris engizýge múddeli

Bul týraly búgin elordada ótken «QR-daǵy zııatkerlik menshik quqyqty sottyń qorǵaýy: sońǵy tendentsııalary jáne keleshegi» atty halyqaralyq konferentsııa barysynda QR Ádilet mınıstrligi Zııatkerlik menshik quqyǵy komıtetiniń tóraıymy Lıza Stambekova málim etti.

Zııatkerlik menshik salasyndaǵy zańnamanyń saqtalýyna jospardan tys tekserý júrgizýge baılanysty birqatar problemalar bar ekendigin basa aıtqan ol: «Tekserý júrgizý barysynda biz josparly jáne jospardan tys tekserý qamtylǵan «Jeke kásipkerlik týraly» Zańdy basshylyqqa alamyz. Jospardan tys tekserýdi naqty ótinish boıynsha júrgizemiz. Zańǵa sáıkes ádilet organdary tekseriletin sýbektige tekserýdiń ótýine 1 kún qalǵanǵa deıin eskertýge mindetti», - dedi ol.

L.Stambekovanyń paıymdaýynsha, bundaı jaǵdaıda quqyq buzýshylyqty anyqtaý qıyndyq týdyrady.

«Bizdiń kózqarasymyzsha, ádilet organdarynyń jospardan tys tekserý júrgizý protsedýrasy boıynsha Zańǵa ózgeris engizý qajet», - dedi komıtet tóraıymy.