Ádilet mınıstrligi 6 advokatty lıtsenzııasynan aıyrdy
ASTANA. 13 mamyr. QazAqparat /Aıdar Ospanalıev/ - Bıylǵy jyldyń birinshi toqsanynda ádilet organdaryna advokattyq qyzmet boıynsha zańdy jáne jeke tulǵalardan 47 ótinish túken. Olardyń 32-si shaǵym.
Sondaı-aq atalmysh merzimde Ádilet mınıstrligi 6 advokatty lıtsenzııasynan aıyrdy. Bul málimettermen búgin jýrnalıstermen bolǵan brıfıngte Ádilet mınıstrliginiń resmı ókili Erbolat Erimbet tanystyrdy.
Onyń aıtýynsha, lıtsenzııasynan aıyrylǵan 2 advokat buryn qasaqana qylmys jasaǵan bolyp shyqty. Taǵy eki advokat ózderiniń qyzmetterin júzege asyrý barysynda birneshe márte zańnamalardy buzǵan. Sondaı-aq bir advokat Qazaqstan azamattyǵyn joǵaltqan. Jáne bir azamat qylmystyq qýdalaýǵa ushyrap, keıinnen bul is toqtatylǵan, alaıda ol aqtalmaǵan.
