Ádilet mınıstri jýrnalısterdiń Senattyń jertólesinde jumys isteýine pikir bildirdi

NUR-SULTAN. QazAqparat – QR Ádilet mınıstri Qanat Mýsın jýrnalısterdiń Senat ǵımaratynyń jertólesinde jumys isteýi týraly pikir bildirdi, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide tilshiler mınıstrden Senat ǵımaratynda jýrnalısterdiń jertólede otyryp jumys istegenine qatysty pikirin surady.

Ádilet mınıstriniń aıtýynsha, bul zańǵa qaıshy emes.

«Ár organ jýrnalıstermen jumysyn uıymdastyrǵanda óz erejesin shyǵarady. Munda jýrnalısterge depýttarmen qatynasyp, suraq qoıýǵa eshqandaı shekteý qoıylyp otyrǵan joq. ıAǵnı ár mekemeniń óz tártibi bolady. Munyń zańǵa eshqandaı qaıshylyǵy joq»,- dep jaýap berdi Qanat Mýsın.

Sondaı-aq, ol BAQ týraly jańa zań ázirlenip jatqanyn eske saldy.

«Prezıdenttiń Joldaýyn iske asyrý úshin buqaralyq aqparat quraly týraly jańa zań shyǵarylady. Zań jobasy pysyqtalyp jatyr. Qoǵam men jýrnalıster tarapynan kóterilgen máseleler, Prezıdent nusqaǵan baǵyttardyń bári sol zań jobasynda kórsetiledi», - dedi vedomstvo basshysy.

Eske salsaq, Búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaý, bilim berý, aqparat jáne aqparattandyrý máseleleri boıynsha ózgerister men tolyqtyrýlar engizý týraly» zań jobasy eki oqylymda qaralyp, Májiliske qaıtarylǵan bolatyn.