Ádilet mınıstri saraptama kezindegi artyq shyǵyndardy atady
Saladaǵy qarama-qaıshylyqqa toqtalǵan mınıstr, «Osy oraıda saraptamany bir organ tapsyrsa, al onyń tólemin basqasy iske asyrady. Sottar men quqyq qorǵaý organdary keıde kereksiz saraptamalardy taǵaıyndaıdy, sonymen qatar aıaqtalǵan zertteýler túrli sebeptermen suraýy joq kúıinde qalady. Atap aıtqanda, tergeýshiler men sot túrindegi tapsyrys berýshiler saraptama quny týraly keı kezde oılanbaıdy. Alaıda bul máselede olardyń kinási joq», - dep toqtaldy M. Beketav Májilistegi Úkimet saǵatynda.
Onyń sózine qaraǵanda, bul bıznes-protsess nátıje shyǵystarymen ózara baılanbaǵan ári kelisilmegen. Sondyqtan da kez kelgen ekonomıkalyq model úshin zalalyn tıgizedi.
«Osy oraıda biz kezeń-kezeńmen tıisti tetikti engizip, bul baǵytta sottar men tergeýshiler júrgiziletin saraptamalardyń qunyn eskeretin bolady. Bul qadamdar bıýdjet qarjysyn uqypty paıdalanýǵa jáne shamadan tys saraptama sanyn qysqartýǵa múmkindik beredi. Birinshi qadam jasaldy. 2017 jyly Іshki ister mınıstrligimen birlesken buıryqqa qol qoıdyq, ıaǵnı qujat aıasynda ózara salystyrý sharalaryn iske asyrýdamyz», - dep túıindedi sózin mınıstr.
Budan buryn habarlanǵandaı, Marat Beketaev Ádilet mınıstrligi sot saraptama qyzmetiniń modelin ózgertý týraly kúrdeli sheshim qabyldaǵanyn jetkizdi. Qaıta jańǵyrtýdyń máni jańa tetikterdi qurý men eskilerin ózgertýge negizdelgen.
