Ádilet mınıstri Konstıtýtsııadaǵy vıtse-prezıdent týraly normaǵa qatysty pikir bildirdi

ASTANA. QazAqparat - QR Ádilet mınıstri Azamat Esqaraev zańnamadaǵy vıtse-prezıdent týraly normaǵa qatysty túsinik berdi, dep habarlaıdy QazAqparat tilshisi.

Búgin Parlament Májilisinde tilshiler suraǵyna jaýap berý kezinde mınıstr Qazaqstannyń qazirgi memlekettik basqarý qurylymynda vıtse-prezıdent laýazymy joq ekenin aıtty.

«Konstıtýtsııanyń 94-babynyń 2-tarmaǵynda kórsetilgen vıtse-prezıdent laýazymy Qazaqstan Respýblıkasy táýelsizdiginiń alǵashqy jyldarynda boldy jáne Prezıdenttiń 1996 jylǵy 22 aqpandaǵy Jarlyǵymen tolyǵymen joıyldy. Konstıtýtsııanyń atalǵan normasy ótpeli ereje retinde saqtaldy», - dedi A. Esqaraev.

Sonymen qatar ol atalǵan normany alyp tastaý múmkindigin joqqa shyǵarmady. Zańnamany damytý aıasynda bul másele qaralýy múmkin.

Osyǵan deıin shetelden Qazaqstanǵa 670 mlrd teńge qaıtarylǵanyn habarladyq.