Ádilet mınıstri alıment tóleý boıynsha qor jumysynyń tártibin túsindirdi

NUR-SULTAN. QazAqparat – Alıment tóleý boıynsha qordy qurý aqshany tegin taratýdy qarastyryp otyrǵan joq. Bul týraly Ádilet mınıstrliginiń keńeıtilgen alqa májilisinen keıin vedomstvonyń basshysy Marat Beketaev málim etti, dep habarlaıdy QazAqparat tilshisi.

«Aqshany tegin taratý degen bolmaıdy. Osy oraıda qor qurylǵannan keıin barlyq bereshek qarajat ózinen-ózi jabylady dep oılaý durys emes», - dedi M. Beketaev tilshiler saýalyna jaýap bere otyryp.

Onyń aıtýynsha, búginde mundaı qordyń eki modeli bar. Birinshisi – kredıttik model, al ekinshisi qaıyrymdylyq negizde qyzmet etedi. Kredıttik model banktik zaımdar qaǵıdasy boıynsha jumysty eskeredi. Bul turǵyda adam eńbekaqy alǵansha deıin tıisti kezeńge alıment tóleý úshin qarajat suraı alady.

Ekinshi modelge sáıkes, ıaǵnı qaıyrymdylyq qor aıasynda aqsha qaıtarymsyz beriledi. Alaıda barlyǵyna birdeı berile bermeıdi.

M. Beketaevtyń aıtýynsha, búginde Qazaqstanda qaıyrymdylyq modeldi paıdalaný usynylyp otyr.

«Aqsha eń qıyn jaǵdaılarda beriledi. Adamdar syrtqatqa shaldyqsa nemese múldem qıyn jaǵdaıǵa tap bolsa, basqa múmkindikter bolmasa, qoldaý jasalady. Qaıyrymdylyq model tıisti komıssııa men keńesti qurýdy eskeredi. Onyń quramyna tájirıbeli mamandar tartylady. Sheshim qabyldarda komıssııa shaqyrtylady. Máselen, bir adamdarǵa 100 myń teńge, keıbirine 500 myń teńge qajet bolýy múmkin», - dedi mınıstr.