Ádilet, Mádenıet mınıstrlikteri «Memlekettik til týraly» zań jobasyn ázirleýdiń maqsatqa laıyqtylyǵy týraly usynysty qaraýdy bastady

Bul týraly búgin elordada ótken baspasóz másılhatynda QR Ádilet mınıstrliginiń resmı ókili Erbolat Erimbet málim etti.

Onyń atap ótýinshe, qazirgi ýaqytta ulttyq-patrıottyq qoǵamdyq birlestikter tarapynan «Memlekettik til týraly» Zań jobasyn ázirleýdi qaraý máselesi kóterilgen.

«Sońǵy kezde qoǵamda qazaq tilin damytý máselesiniń kóterilýin nazarǵa ala otyryp, Ádilet mınıstrligi Mádenıet mınıstrligimen birlesip, «Memlekettik til týraly» zań jobasyn ázirleýdiń oryndylyǵy týraly usynysty qaraýdy bastady», - dedi E.Erimbet.

Aıta keteıik, bul másele 2008 jyly da kóterilip, Qazaq gýmanıtarlyq zań ýnıversıteti tıisti Zań jobasyn ázirlegen bolatyn. Onda belgili bir adamdardyń memlekettik tildi mindetti túrde bilý talabyn bekitý usynylǵan edi.