«Ádilet keńes beredi» aktsııasy barysynda 23585 azamat pen zańdy tulǵa ókilderi keńes aldy
ANA. 3 maýsym. QazAqparat /Marlan Jıembaı/ - «Ádilet keńes beredi» aktsııasy barysynda 23585 azamat pen zańdy tulǵa ókilderi keńes aldy. Bul týraly búgin elordada ótken baspasóz máslıhaty barysynda QR Ádilet mınıstrliginiń resmı ókili Erbolat Erimbet málim etti.
Onyń atap ótýinshe, 18-20 mamyr aralyǵynda ótkizilgen «Ádilet keńes beredi» respýblıkalyq aktsııasy aıasynda uıymdastyrylǵan is-sharalarda ádilet qyzmetkerleri, «Nur Otan» HDP ókilderi, advokattar men notarıýstar ótinish bildirgen barlyq azamattarǵa quqyqtyq kómek kórsetip, zańnama normalaryn túsindirý jumystaryn júrgizgen.
«Aktsııa aıasynda 23585 azamat pen zańdy tulǵa ókilderine keńes berildi. Kelip túsken 17 078 jazbasha ótinishterdiń 3718-i sheshilip, 12 365 ótinish berýshige túsindirý sıpatyndaǵy jaýaptar berildi. Qalǵan ótinishter qaralý ústinde. Aktsııa nátıjesinde uzaq ýaqyt boıy azamattardy tolǵandyryp kelgen kóptegen máseleler sheshildi», - dedi ol.
Sonymen qatar resmı ókildiń atap ótýinshe, sý tasqyny saldarynynan zardap shekken Batys Qazaqstan oblysynyń kóptegen azamattary jeke basyn kýálandyratyn qujattardy rásimdeý, úıleriniń tehnıkalyq qujattaryn qalpyna keltirý syndy máseledi sheshýge qatysty keńester alǵan.
