Ádilbek Jaqsybekov jeńil atletıka federatsııasyn basqarady

ASTANA. QazAqparat - Qazaqstan Respýblıkasy Prezıdenti Ákimshiliginiń basshysy Ádilbek Jaqsybekov elimizdiń jeńil atletıka federatsııasynyń prezıdenti bolyp saılandy, dep habarlaıdy QazAqparat tilshisi.

Bul týraly Astanada ótken Qazaqstan Jeńil atletıka federatsııasynyń esep berý-saılaý konferentsııasy barysynda belgili boldy.

Konferentsııa jumysyna Mádenıet jáne sport mınıstri Arystanbek Muhamedıuly, sondaı-aq federatsııa prezıdıýmynyń músheleri, aımaqtyq fılıaldar jetekshileri, qurama jattyqtyrýshylary, Ulttyq Olımpııalyq komıtet ókilderi qatysty.

Esterińizge sala keteıik, Ádilbek Ryskeldiuly 2007 jylǵy tamyzdan 2014 jylǵy jeltoqsanǵa deıin Qazaqstan Fýtbol federatsııasyn basqardy. Ol sondaı-aq, Qazaqstan Ulttyq Olımpııalyq komıtetiniń jazǵy sport túrleri boıynsha vıtse-prezıdenti.