Ádilbek Jaqsybekov týǵan kúnin tańǵy júgirýden bastady
ASTANA. QazAqparat - Bıznesmen Aıdyn Rahymbaev óziniń áleýmettik jelidegi paraqshasyna búgingi tańǵy júgirýdiń fotolaryn júktedi, dep habarlaıdy QazAqparat tilshisi.
«Búgin kimdi kórdik dep oılaısyz? Tańǵy saǵat 6.30-daǵy jattyǵý kezinde biraz adamdardy kezdestirdik. Aıtpaqshy,úlkender jaqsy bastamaǵa uıytqy bolyp otyr. Týǵan kúnde birge júgiredi», - dep jazdy Rahymbaev.
Fotolarda QR Prezıdent Ákimshiliginiń basshysy Ádilbek Jaqsybekov, QR Ulttyq qaýipsizdik komıtetiniń tóraǵasy Kárim Másimov pen «Qazaqstannyń damý banki» AQ basqarma tóraǵasy Bolat Jámishevti kórýge bolady.
Aıta keteıik , búgin Ádilbek Jaqsybekov 63 jasqa tolyp otyr. Buǵan deıin Memleket basshysy Nursultan Nazarbaev Prezıdent Ákimshiliginiń basshysy Ádilbek Ryskeldiulynyń ókilettiligin zeınetkerlik jasqa tolǵan kúnnen bastap 2022 jylǵy 26 shildeni qosa alǵandaǵy merzimge deıin uzartqan bolatyn.
