Ádilbek Jaqsybekov resmı túrde QFF prezıdenttiginen ketti
ASTANA. QazAqparat - Astanada Qazaqstan fýtbol federatsııasynyń XI kezekten tys konferentsııasy ótti, onda Ádilbek Jaqsybekovtiń Federatsııa prezıdenti ókilettigin toqtatý týraly sheshim qabyldandy.
Bul týraly sports.kz. habarlady
«Qurmetti áriptester, men Qazaqstan fýtbol federatsııasyna kelgende, aldyma fýtbolda sol kezderi oryn alǵan máselelerdi retteý mindetin qoıǵanmyn. Qazaqstandyq fýtboldy qalyptastyrý barysynda aýqymdy ister atqaryldy, bul tarıhta ózindik orny bar kezeń boldy.
Búgin jaǵdaı basqasha, fýtboldy uıymdastyrý basqa sport túrlerinen erekshe úlken ındýstrııaǵa aınaldy. Marketıng, jankúıerlermen jumys, qomaqty qarjy aǵyny - barlyǵy qyrýar jumysty qajet etedi», - dep habarlady Á. Jaqsybekov.
Ózderińiz bilesizder, bul jumysta mindetim strategııalyq sheshimderdi óńdeý, ákimshilik yqpaldy qamtamasyz etý, memlekettik organdarmen ózara is-qımyl barysynda kómek kórsetý boldy. Qazir bári retteldi. Fýtboldy bul isti turaqty atqara alatyn tulǵa basqarýy tıis. Ótkenge kóz júgirtsek, talaı joldan ótippiz. Osy ýaqyttyń ishinde bir úlken januıadaı bolyp kettik. Qoldaǵandaryńyz úshin alǵysym sheksiz, - dep atap ótti óz sózinde Á. Jaqsybekov.
