Ádilbek Jaqsybekov kelisilgen matchtarǵa qarsy kúres jarııalady
ASTANA. QazAqparat - Qazaqstannyń fýtbol klýbtary men sport tóreshileri taza jáne ádil oıyn týraly memorandýmǵa qol qoıdy. Bul týraly Qazaqstan fýtbol federatsııasynyń prezıdenti Ádilbek Jaqsybekov málimdedi, dep habarlaıdy QazAqparat tilshisi.
«Bul kásipqoı fýtboldaǵy mańyzdy másele. Ondaı oqıǵalar bolǵan. Biz kelisilgen matchtarǵa qarsy kúres komıssııasyn quramyz. Buryn ondaı komıssııa bolǵan, biraq ol belgisiz sebeptermen tarap ketipti. Eger kelisilgen fýtboldyń qandaı da bir belgileri baıqalatyn bolsa, onyń jazasy qatty bolady. Erteń eskertpedi dep renjimeńizder, dálelimiz bolsa eshqandaı keshirim bolmaıdy»,-dedi Á.Jaqsybekov.
Buǵan deıin ol jemqorlyqqa batqan Qazaqstan fýtboly úshin sheteldik legıonerlerdiń kelmeı jatqanyn aıtqan bolatyn. Olar eshqandaı aqshaǵa da kelispeı qoıǵan.
