Ádilbek Jaqsybekov qalalyq senbilikke qatysyp, shyrsha kóshetin otyrǵyzdy (FOTO)
ASTANA. QazAqparat - Búgin Astana qalasynyń ákimi Ádilbek Jaqsybekov «Biz taza qala úshin» atty qalalyq senbilikke qatysyp, «Haziret Sultan» meshiti janyna shyrsha kóshetin otyrǵyzdy.
«Qazirgi ýaqytta bizdiń qalamyzda ekologııalyq aılyq júrip jatyr. Bul ýaqyttyń ishinde qalanyń kóshelerin tazartyp, aǵash otyrǵyzamyz. Búgingi sharaǵa júz myńnan astam adam qatysýda. Olardyń ishinde Parlament depýtattary, memlekettik mekemelerdiń qyzmetkerleri, mektep oqýshylary men stýdentter bar. Mundaı sharalardyń tájirıbelik máni zor», - dedi qala basshysy BAQ ókilderine bergen suhbatynda.
Aıta keterligi ekologııalyq aılyq barysynda qala kósheleri men jol jıekteri, aýla ishteri tazartylyp aǵash otyrǵyzylýda. Sonymen qatar jańbyr sýy aǵatyn jeliler, aryqtar tazartylyp, saıabaqtar men gúl baqtaryndaǵy jasyl kóshetterdi kútý boıynsha maýsymdyq agrotehnıkalyq jumystar júrgizilýde.
Senbilik kezinde astanalyqtar tal, úıeńki, qaraǵaı, shyrsha, shegirshin, tereńterdiń 4 myńǵa jýyq kóshetin otyrǵyzady. Sondaı-aq mektep, balabaqsha, medıtsınalyq mekemelerdiń aýlaryna 3 myńnan astam aǵash egiledi.
Munan bólek, shara aıasynda stýdentter, eriktiler men áskerılerdiń qatysýymen Esil, Aqbulaq, Sarybulaq ózenderiniń arnasy men jaǵalaýy qoqys pen turmystyq qaldyqtardan tazartylady.
