Ádilbek Mýsın Jazǵy ýnıversıadada qola júlde aldy

ASTANA. QazAqparat - Qytaıdyń Chendý qalasynda ótip jatqan HHHІ Jazǵy ýnıversıadada Ádilbek Mýsın batterflıaı ádisimen 100 metrge sýǵa júzýden úshinshi oryn aldy, dep habarlaıdy QazAqparat tilshisi.

Qazaqstandyq sportshy atalǵan qashyqtyqty 2,03 sekýndta baǵyndyrdy.

Birinshi jáne ekinshi oryndar polshalyq sportshylarǵa buıyrdy.

Aıta ketsek, ol irikteý satysynda bul qashyqtyqty 52,34 sekýndta júzip ótip, fınalǵa joldama alǵan edi.

Budan buryn Ádilbek Mýsın Japonııanyń Fýkýoka qalasynda ótken sý sporty túrlerinen álem chempıonatynda batterflıaı ádisimen 100 metrge júzýden irikteý satysynda 51,68 sekýndty enshilep, Qazaqstan rekordyn jańartty.

Jazǵy ýnıversıadada qazirge deıin Qazaqstan quramasy 20 medal enshilep úlgerdi. Onyń ishinde 2-i altyn, 7-i kúmis, 11-i qola.

Medaldar kestesinde Qytaı 150 júldemen (82-35-33) kósh bastap tur. Odan keıingi oryndardaǵy Japonııa 75 (19-25-31), Ońtústik Koreıa 50 (17-15-18) medali bar.

Jazǵy ýnıversıada 8 tamyzda máresine jetedi.