Ádilbek Balqaev aýyr atletıkadan Álem chempıonatynyń qola júldegeri atandy
ALMATY. 14 mamyr. QazAqparat /Erlik Erjanuly/ - Perýdiń Lıma qalasynda aýyr atletıkadan 17 jasqa deıingi bozbalalar men boıjetkender arasynda Álem chemponaty ótip jatyr.
Onda el namysyn qorǵaý erler arasynda Ádilbek Balqaevqa, al qyzdar arasynda Nadejda Nogaıǵa senip tapsyrylǵan edi. QR Aýyr atletıka federatsııasynyń bas hatshysy Meńdihan Tápsirdiń aıtýynsha, 9-mamyr kúni jalaýyn kótergen bul dúbirli dodada Qazaqstan ulttyq quramasy 2 medal alýdy josparlaǵan bolatyn. Qazirdiń ózinde mundaı úlken básekege alǵash ret qatysyp otyrǵanyna qaramastan 69 kelige deıingi salmaqta óner kórsetken Ádilbek Balqaev qola júldeger atandy. «Endi dál osy salmaqta baq synaıtyn Nadejdadan altyn medal kútip otyrmyz. Jalpy bul Álem chempıonaty mamyrdyń 16-syna deıin sozylady. Buǵan deıin 2009 jyly Taılandta ótken sońǵy Álem chempıonatynda qazaqstandyqtar 1 altyn, 2 kúmis, 2 qola júlde oljalaǵan bolatyn », - deıdi Meńdihan Tápsir.
