Ádil saılaý ótip jatyr dep aıta alamyz - aqyn Maraltaı Raıymbek

ALMATY. QazAqparat - Almatynyń №322 saılaý ýchaskisinde belgili aqyn Maraltaı Raıymbek daýys berdi, dep habarlaıdy QazAqparat tilshisi.

Aqyn Almaty halqynyń belsendi túrde daýys berip jatqanyn jáne óziniń búgin daýys berýdi paryzy sanaıtynyn aıtty.

«Búgin otbasymyzben saılaý ýchaskesine erterek kelýge tyrystyq. Sóıtip óz tańdaýymyzdy jasadyq. Osylaısha el tizgigin ustaıtyn tulǵaǵa daýsymyzdy berdik. Biz árqashan januıamyzben el taǵdyryn sheshetin eleýli dúnıelerge atsalysyp kelemiz. Bul jolǵy saılaýdyń da jóni bólek. Burynǵysynan ózgerek bolyp jatyr. Sondyqtan ádil saılaý ótip jatyr dep aıta alamyz»,- dedi Maraltaı Raıymbekuly.

Ol sondaı-aq halyqtyń Almatyda belsendi túrde daýys berip jatqany qýantatynyn atap ótti.

«Osyǵan deıin talaı márte saıası naýqandarǵa aralasyp júrmiz. Almaty árqashan el taǵdyrynda mańyzdy orynda turady. Saılaýshylardyń qatary bozǵylt tańnan bastap belsendi. Saılaýǵa kelýshiler qatary kóp. El-jurt óz tańdaýyn jasaýda. Árıne kópshiliktiń osyndaı belsendiligi qýantady. Búgingi zaman da, ýaqyt ta ózerýde. Árkim óziniń saılaý kezindegi úlesi bar ekenin biledi. Sonymen birge óz jaýapkershiligin sezinedi. Sondyqtan da eldiń bári bir kisideı atsylyp jatyr», – dedi ol.