Ádil Qaýkenov: Parlament saılaýy qazaqstandyqtardyń popýlızm vırýsynan ada ekenin kórsetti
«Ótken saılaýdyń qorytyndysy týraly aıta kele bul aıtarlyqtaı bizdiń qoǵam úshin, Qazaqstan qoǵamynyń kemeldenýi jolynda emtıhan boldy desek te bolady. Atap aıtqanda oǵan eki úlken faktor áser etti: birinshiden, saılaý Memleket basshysy bastaǵan aýqymdy reformalar kezinde ótkizilip otyr. Sonymen birge elde taǵy birqatar demokratııalyq qadam jasalǵanyn atap ótý kerek. Sondyqtan Qazaqstan qoǵamy bul reformalardyń ózin qalaı baǵalaıdy? Ary qaraı ne bolady? Halyqtyń kóbi konservatıvti kózqarasta ma, álde jańa reformalardy kúte me? Osy rette saılaýdyń ózi «Nur Otan» partııasynyń kóp daýys alýy – baǵdardyń durys ekenin kórsetti», - dedi Ádil Qaýkenov elordada ótken «SAILAU-2021: Parlament saılaýynyń aldyn ala qorytyndylary» atty saraptamalyq talqylaýda.
Onyń aıtýynsha pandemııa qoǵam men bıliktiń aldyna kóp synaq qoıǵan.
«Pandemııa kúndelikti ómirimizge qanshalyqty ózgeris engizgenin ańǵara berińiz. Basqa elderdegi saılaýlarǵa qaraıtyn bolsaq, ol memleketterge de pandemııanyń qalaı áser etkenin kórip otyrmyz. Antıepıdemııalyq sharalardyń tıimdiligi jaǵynan Qytaıdaǵy bıleýshi kommýnıstik partııaǵa degen senim buryn sońdy jetpegen rekordtardy kórsetýde. Onyń janynda alpaýyt sanalatyn AQSh pandemııanyń saldarynan buǵan deıin kórmegen teńdessiz daǵdarystarda bastan keshirdi. ıAǵnı amerıkalyqtar bárin eńseredi degen paıym-túsinik bolǵanymen, ómirdiń ózi popýlızm baǵdarynyń zamany ótkenin kórsetedi», - deıdi ol.
Ádil Qaýkenov osy sebepti kavalerıstik alyp qadammen máseleniń bári retteledi degen túsinikten aýlaq bolý kerektigin aıtady.
«Damý men oqý protsesi – kúndelikti ári turaqty jumys. Osy rette bizdiń saılaýdyń saý ári optımıstik atmosferada ótýi – qazaqstandyqtardyń popýlızm vırýsynan ada ekenin kórsetti», - deıdi Ádil Qaýkenov.
