Ádil Ǵalıahmetov short-trekten Álem Kýboginiń kúmis júldegeri atandy
Beıjiń. QazAqparat – Qytaıdyń Beıjiń qalasynda ótip jatqan short-trekten álem kýbogi kezeńinde Qazaqstan qorjynyna bir medal tústi dep habarlaıdy QazAqparat Olympic.kz saıtyna silteme jasap.
Erler arasynda 1 500 metrge jarysýdan qazaqstandyq Ádil Ǵalıahmetov kúmis júldeger atandy. Ol atalǵan qashyqtyqty 2 mınýt 18,680 sekýndta júgirip ótken.
Sochı Olımpıadasynyń chempıony, reseılik Semen Elıstratov 2 mınýt 18, 285 sekýndty kórsetip, álem kýboginiń jeńimpazy atandy.
Qola medal alǵan qytaılyq An Kaı 2 mınýt 18,864 sekýndta júgirip ótken.
Bul Ádil Ǵalıahmetovtiń álem kýbogi kezeńderinde jeńip alǵan alǵashqy júldesi ekenin esterińizge salamyz.
