Ádil báseke, teń quqyq jáne ulttyq múddeni eskerý — QR Prezıdenti EAEO-nyń berik negizi ne ekenin aıtty

ASTANA. QazAqparat - Memleket basshysy Qasym-Jomart Toqaevtyń «Kóppolıarly álemdegi eýrazııalyq ıntegratsııa» atty Eýrazııalyq ekonomıkalyq forýmyndaǵy sózinde Eýrazııalyq ekonomıkalyq odaqtyń negizgi irgetasy ne ekenin aıtty, dep habarlaıdy QazAqparat Aqordanyń baspasóz qyzmetine silteme jasap.

«Endi Odaqty damytýdyń jańa basymdyqtaryn aıqyndaý qajettigi týraly suraǵyńyzdyń ekinshi bóligine toqtalyp óteıin. Kez kelgen isti qolǵa alǵanda árdaıym qazirgi problemalardy ǵana sheship qoımaı, keleshektegi jumysty da josparlaý kerek ekeni sózsiz. Sondaı-aq aınaladaǵy jaǵdaıdyń ózgerýine baısaldy qaraý kerek.
Munyń báriniń berik negizi bolýǵa tıis. Іrgetasy neǵurlym myǵym bolsa, soǵurlym myqty ári uzaqqa tózimdi ǵımarat salýǵa bolady. Al bizdiń Odaqtyń irgetasy ne? Odaq týraly kelisimdi tolyqqandy júzege asyrý negizgi másele jáne solaı bola beredi.
ıAǵnı, «tórt erkindik» jáne ınfraqurylymǵa teń dárejede qol jetkizý, ádil báseke, teń quqyq jáne ulttyq múddeni eskerý sekildi negizgi qaǵıdattar múltiksiz saqtalýy kerek», - dedi QR Prezıdenti.