Adıevtiń «Ahmatty» qansha jyl jattyqtyratyny belgili boldy

ASTANA. KAZINFORM – Fýtboldan Qazaqstan ulttyq quramasyn jattyqtyrǵan Magomed Adıevtiń reseılik «Ahmat» komandasynyń tizginin qaı ýaqytqa deıin ustaıtyny belgili boldy. Bul týraly Match TV saıty jazdy. 

«Ahmat» fýtbol klýbynyń bas dırektory Ahmed Aıdamırov komanda bas bapkeri qyzmetin joǵary deńgeıde atqarǵan Adıevtiń komandamen jańa kelisimshart jasasqanyn, biraq oǵan áli qol qoıylmaǵanyn málimdedi. 

– Adıevpen kelisimshartqa áli qol qoıylǵan joq, óıtkeni Qazaqstan quramasymen kelisim áli buzylmady. «Ahmatpen» kelisimshart 3 jyl merzimge kelisildi, - dedi sport menedjeri. 

Eske sala keteıik, buǵan deıin fýtboldan Qazaqstan ulttyq quramasynyń bas bapkeri Magomed Adıevtiń quramadaǵy qyzmetinen ketkenin jazǵan edik.