«Adıdas» sportshylary «Astana Marafony» komandalyq estafetasynda jeńiske jetti
ASTANA. QazAqparat - Elordada qaıyrymdylyq maqsattaǵy iri halyqaralyq Astana marafonynda birinshi bolyp máre syzyǵyn «Adıdas» komandasynyń ókili kesip ótti.
Atap aıtqanda, komandalyq estafetada «Adıdas» kompanııasynyń komandasy jeńiske jetip, márege birinshi bolyp osy komandanyń ókili Rýslan Aglov jetti. Estafetaǵa ár komandadan tórt adamnan qatysty.
Premer-Mınıstr Kárim Másimov birinshi kelgen sportshyny quttyqtap, oǵan medal tapsyrdy.
Búgingi sharaǵa Úkimet músheleri, birqatar otandyq jáne halyqaralyq kompanııalardyń ókilderi, el turǵyndary, Qazaqstanda tirkelgen elshilikterdiń qyzmetkerleri, sondaı-aq alys jáne jaqyn 25 sheteldiń atletteri qatysýda. Atap aıtqanda, qazirgi kezde AQSh, Brazılııa, Germanııa, Ulybrıtanııa, Malaızııa, Avstralııa, Belgııa, Iran, Reseı, Túrkııa, Grekııa, Japonııa, Qytaı, Frantsııa, Polsha jáne basqa da elderdiń azamattary bar.
