Adidas Bella Hadıd beınelengen jarnamany alyp tastap, kópshilikten keshirim surady

ASTANA. KAZINFORM— Adidas juma kúni Mıýnhendegi 1972 jylǵy Olımpıada oıyndarynyń dızaınymen jasalǵan krossovkalardyń jarnamalyq naýqanyn qaıta qaraıtynyn málimdedi. Ondaǵy áıgili model Bella Hadıdtiń beınesi Izraıl tarapynan úlken synǵa ushyrady, dep jazady Euronews.

Nemis sporttyq kıim kompanııasy SL72 krossovkalaryn «máńgilik klassıka» dep atap, jarnamalady.

Beısenbi kúni Izraıldiń H áleýmettik jelisindegi resmı akkaýnty Hadıdke qarsy shyǵyp, «Mıýnhendegi Olımpıada kezinde palestınalyq terrorıster on bir ızraıldikti óltirgenin» eske saldy.

Ákesi palestınalyq Hadıd osy jyldar ishinde Izraıl úkimetin synap, evreı memleketine dushpandyq tanytyp, palestınalyqtardy qoldaıtyn kóptegen málimdemeler jasady.

7 qazandaǵy shabýyldan keıin jáne Izraıl men HAMAS arasyndaǵy qaqtyǵys bastalǵannan beri ol Instagram-da jazyqsyz adamdardyń qaza bolǵanyna ókinish bildiretin málimdeme jarııalady jáne izbasarlaryn Gaza turǵyndaryn qorǵaý úshin óz basshylaryna qysym kórsetýge shaqyrdy.

Sońǵy málimetterge qaraǵanda, Hadıd Adidas kompanııasyn sotqa berýge sheshim qabyldady. Birqatar aqparat quraldary kompanııany ızraılshil lobbıdiń jeteginde júr dep aıyptaıdy. Hadıdtiń jaqtastary ónimderge boıkot jarııalaýǵa shaqyrdy.

Kompanııa ókilderi keshirim surap, «naýqannyń qalǵan bóligin dereý qaıta qaraıtyndaryn» aıtty.