Ádı Sháripovtyń ádebıet pen ǵylym-bilimniń órkendeýine qosqan úlesi orasan - B. Shahanov
ALMATY. 10 qyrkúıek. QazAqparat - Ádı Sháripov qazaq rýhanııatynyń óz dáýirindegi úlken tulǵasy boldy. Bul búgin Almatyda partızan-jazýshy, kórnekti memleket jáne qoǵam qaıratkeri Ádı Sháripovtiń týǵanyna 100 jyl tolýyna arnalǵan saltanatty keshte aıtty.
«Bul kisi uzaq jyldar Oqý mınıstrligin basqaryp, aýyldaǵy mektepterdi órkendetýge, aýyldaǵy bilimdi kórkeıtýge kóp úles qosty. Qazaq KSR Mınıstrler keńesi tóraǵasynyń orynbasary bolǵanda da rýhanııat salasyna kóp qamqorlyq jasady. Sodan keıin 7-8 jyl Qazaqstan Jazýshylar odaǵynyń tóraǵasy bolyp istedi. Sol kezde Ábekeń Jazýshylar odaǵynyń materıaldyq bazasynyń órkendeýine, kórkeıýine, jazýshylardyń jaǵdaıyn jasaýǵa kóp kómek kórsetti», - deıdi Qazaqstan jazýshylar odaǵy Basqarma tóraǵasynyń orynbasary Berik Shahanuly.
Halyqaralyq «Alash» ádebı syılyǵy laýreatynyń aıtýynsha, Á. Sháripovtiń kezinde úısiz júrgen jazýshylardyń kóbi úı aldy. Jazýshylar odaǵy materıaldyq turǵydan nyǵaıyp, bekidi. Kitap saýdasy, gazet-jýrnal men kitaptardyń taralymy ósip, jańa qarqyn aldy. Maıdanger partızan, jazýshy, qaıratker Ádı Sháripov qazaq ádebıeti men bilim-ǵylymynyń damýyna orasan zor úles qosyp, onyń ósip-órkendeýine tyń serpin berýge úlken yqpal etti.
