Ádep normalaryn buzǵan 32 qyzmetshi tártiptik jaýapkershilikke tartyldy

ASTANA. QazAqparat - QR Qarjy mınıstrliginiń ádep jónindegi ýákili Tólegen Tashmaǵambetovtyń tóraǵalyǵymen jáne memlekettik kirister komıtetiniń aýmaqtyq organdarynyń qatysýymen jıyn ótti, dep habarlaıdy QazAqparat vedomstvonyń baspasóz qyzmetine silteme jasap.

Kezdesýge sondaı-aq MQІjSJKA-niń departament dırektory Ravıl Tólebaev jáne «Birinshi sybaılas jemqorlyqqa qarsy medıaortalyq» Respýblıkalyq qoǵamdyq birlestiginiń tóraǵasy Tólegen Baıǵulov ta qatysty.

Jınalys barysynda sóz alǵan memlekettik kirister komıtetiniń ádep jónindegi ýákili T. Maýbaev óz sózinde komıtet boıynsha 12 415 ákimshilik memlekettik qyzmetker bar bolsa, sonyń 9 234-i saýalnamamen qamtylǵanyn atap ótti. Bul - barlyq ákimshilik memlekettik qyzmetshilerdiń 74%-y.

«Aǵymdaǵy jyldyń alty aıynda Memlekettik qyzmetshilerdiń ádep normalaryn buzǵany úshin 32 adam tártiptik jaýapkershilikke tartyldy»,-dedi ádep jónindegi ýákil.

Jalpy esepti kezeńde memlekettik qyzmetshiniń qyzmet ádebin buzý faktileri boıynsha barlyǵy 34 ótinish kelip túsken.

Sonymen qatar, aýmaqtyq organdardyń 130 qyzmetkeri marapattaldy.