Ádep kodeksiniń normalaryn saqtaý taqyrybynda semınar-keńes ótti

ASTANA. QazAqparat - Búgin QR Prezıdentiniń Іs basqarmasy ortalyq apparatynda memlekettik qyzmetkerlerdiń Ádep kodeksiniń normalaryn saqtaýy taqyrybynda semınar-keńes ótti, dep habarlaıdy QazAqparat basqarmanyń resmı saıtyna silteme jasap.

Alqaly jıynǵa Memlekettik qyzmet isteri agenttiginiń ókili Aıdyn Shahmerdenov pen Indýstrııa jáne ınfraqurylymdyq damý mınıstrliginiń Ádep jónindegi ýákili Tańsıla Muzdybekova arnaıy shaqyryldy.

Mańyzdy is-sharaǵa sondaı-aq Іs basqarmasyna qarasty Materıaldyq-tehnıkalyq qamtamasyz etý basqarmasynyń, Medıtsınalyq ortalyqtyń qyzmetkerleri jáne basqa da vedomstvolar men vedomstvolyq baǵynysty uıymdardyń Ádep jónindegi ýákilderi qatysty.

Basqosýda sóz alǵan QR PІB apparat basshysy Murat Dáribaev memlekettik qyzmetshi qashanda sypaıylyq pen ádeptilik tanytyp, ózara qarym-qatynastyń joǵary mádenıetin qalyptastyrýǵa tıis ekenin atap ótti.

Al QR PІB Ádep jónindegi ýákili Gúlnar Chıkınaeva ujymda ózara qarym-qatynas mádenıetin qalyptastyrý, memlekettik qyzmette iskerlik etıket pen resmı minez-qulyq normalaryn saqtaý taqyrybyna toqtaldy.