Ádep keńesinde bilim salasynyń 9 qyzmetkerine qatysty is qaraldy - OQO

ShYMKENT. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Ońtústik Qazaqstan oblysyndaǵy Ádep keńesinde bilim salasynyń 9 qyzmetshisine qatysty tártiptik ister qaraldy. Bul týraly Memlekettik qyzmet isteri agenttiginiń OQO boıynsha departamentiniń basshylyǵy bilim berý qyzmetkerlerimen ótkizilgen alqa otyrysynda málim etti, dep habarlaıdy QazAqparat tilshisi.

Departament basshysy Álı Kómekbaevtyń sózinshe,  agenttiktiń aýmaqtaǵy Ádep jónindegi keńesi jumysynyń basymdyǵy sybaılas jemqorlyqtyń aldyn alýǵa jáne qyzmettik ádep normalaryn buzýshylyqtardyń profılaktıkasyna baǵyttalǵan.

Keńeste qaralǵan tártip buzýshylyqtardyń basym bóligi mektep dırektoryn taǵaıyndaý kezinde konkýrsqa qatysqan úmitkerge artyqshylyq kórsetý men memlekettik satyp alý konkýrsynyń qatysýshylaryna kedergi jasaýǵa qatysty bolǵan. Sondaı-aq,  atqarylmaǵan jumystarǵa aldyn ala qarjy aýdarý faktileri de oryn alǵandyǵy aıtyldy. Búgingi tańda Ádep keńesinde qaralǵan tártiptik ister saralanyp, olardy boldyrmaý jáne aldyn alý maqsatynda memlekettik organ basshylaryna arnaıy hattar joldanǵan.

Aıta keteıik, ujymdarda jıi kezdesetin buzýshylyqtardy talqylaý endi  túrli  mekemelerde ótkizilmek. Halyqpen keri baılanysty ornatý maqsatynda departament basshylyǵy oblystyń barlyq aýdandaryn aralap, tikeleı halyqpen kezdesýdi josparlap otyr.