Ádep keńesi basqarma basshysyn jumysynan bosatýdy usyndy - Qostanaı oblysy

QOSTANAI. QazAqparat - Ádep keńesi oblys ákimdiginiń jerdi paıdalaný men qorǵaýdy baqylaý basqarmasynyń basshysyna qatysty tártiptik isti qarady, dep habarlaıdy QazAqparat tilshisi memlekettik qyzmet isteri agenttiginiń oblystyq Departamentine silteme jasap.

«Qazirgi ýaqytta sybaılas jemqorlyqqa qarsy qyzmet quqyq buzýshylyqtar jasady degen kúdik boıynsha qylmystyq isti tergeýde. Sonymen qatar, sheneýniktiń is-áreketinde Memlekettik qyzmetke nuqsan keltiretin tártiptik teris qylyq belgileri baıqaldy»,- delingen vedomstvonyń habarlamasynda.

Osylaısha, Ádep keńesi is-áreketti baǵamdap, sybaılas jemqorlyqqa qatysty mán-jaıdy eskere otyryp, basqarma basshysyn jumysynan bosatýdy usyndy. Memlekettik qyzmetker qylmystyq jaýapkershilikten bólek, tártiptik jazaǵa da tartylady.