«Ádemi» nómirlerdi zańsyz berip kelgen laýazymdy polıtseı ustaldy

ASTANA. QazAqparat - Suranysqa ıe kólik nómirlerin zańsyz berip kelgen laýazymdy polıtsııa qyzmetkeri ustaldy. Bul týraly búgin brıfıng barysynda QR Іshki ister mınıstrliginiń resmı ókili Almas Sadýbaev aıtty, dep habarlaıdy QazAqparat tilshisi.

Onyń sózine qaraǵanda, Qyzylorda qalasynda oblystyq ІІD Ózindik qaýipsizdik jáne QR UQK departamenti qyzmetkerleri Ákimshilik polıtsııa basqarmasy tirkeý-emtıhan alý jumystary bólimshesiniń laýazymdy tulǵasyn ustady.

«Ol 2018 jyldyń sáýir-maýsym aılary aralyǵynda júıeli túrde joǵary suranysqa ıe memlekettik tirkeý nómirlerin berýmen zańsyz aınalysyp kelgen. Sonymen qatar  júrgizýshi kýáligin alý úshin emtıhan tapsyrýǵa kómek kórsetip otyrǵan. Sotqa deıingi tergeý amaldary júrgizilip jatyr», - dedi ol.