Adelaıda Pchelıntseva júzýden Qazaqstan rekordyn taǵy da jańartty
NUR-SULTAN. QazAqparat - Adelaıda Pchelıntseva júzýden azǵantaı ýaqyt ishinde elimizdiń eki rekordyn jańartty, dep habarlaıdy Olympic.kz.
Qazaqstandyq sportshy 50 metrge brass ádisimen júzýden taǵy bir rekordyn tirkedi. Aldymen Aqtóbede ótken Qazaqstannyń ashyq birinshiliginde kózge túsken Pchelıntseva keıin Reseı chempıonatynda óz sheberligin dáleldedi.
Jartylaı fınalda Adelaıda 50 metrdi 31.63 sekýndta júzip ótip, Qazaqstannyń jańa rekordyn ornatty. Sondaı-aq, fınalda baq synap, 8-shi orynnan kórindi.
