Adel pıngvınderi aısberg qursaýynda qaldy
ASTANA. QazAqparat - Adel pıngvınderi qyrylýy múmkin. Bul oqıǵa Avstralııaǵa qarsy jaqtaǵy antarktıkalyq shyǵanaqtaǵy 10 myń Adel pıngvınine qatysty bolyp otyr.
Alyp muz qustardyń azyǵyna qol jetkizýge bóget bolyp otyr, dep habarlady RT.
Antarctic Science basylymy habarlaǵandaı, pıngvınderdiń azyǵyn aýlaýǵa B09B dep atalatyn alyp aısberg kedergi keltirdi. Ol Dostastyq teńizinde 2011 jyly paıda boldy. Mamandar birneshe jyl qatarynan osy keleńsiz jaǵdaıdy baqylap otyr. Aısberg pıngvınderdi azyqsyz qaldyryp qana qoımaı, sonymen birge mundaǵy tabıǵı ortany da ózgertti.
Ońtústik Ýels ýnıversıtetiniń zertteýshileri osy máselege baılanysty baıandamalaryn jarııalady. Oǵan sáıkes bir ǵasyr buryn munda 100 myń pıngvın bolǵan. Qazir sany 10 myńnan sál ǵana asady.
Olardyń qalaı tamaqtanatyny túsiniksiz, sondaı-aq qutqarylý múmkindigi de azaıyp barady.
