Ádebıetti qorǵaý kerek - Oljas Súleımenov
LMATY. Mamyrdyń 19-i. QazAqparat /Ádilet Musahaev/ - Keshe Almatydaǵy Qazaq ulttyq agrarlyq ýnıversıtetinde belgili aqyn, qoǵam jáne saıasat qaıratkeri Oljas Súleımenovtyń 74 jasqa tolýyna oraı aqynnyń qatysýymen poezııalyq kesh ótti,
dep habarlaıdy QazAqparat.
Kesh atalmysh ýnıversıtettiń stýdentteri jáne ustazdar qaýymynyń uıymdastyrýymen O.Súleımenov atyndaǵy áleýmettik-gýmanıtarlyq bilim jáne tárbıe ınstıtýtynda ótti.
O.Súleımenov bul joǵary oqý ornynyń stýdentterimen jıi kezdesip, Qazaqstan qoǵamyndaǵy jastardyń orny jaıly ágime qozǵap turady.
Kesh barysynda stýdentter aqynnyń «Adamǵa tabyn, Jer, endi", «Arǵymaqtar» jáne taǵy basqa týyndylarynan úzindiler oqyp, «Az ı ıA» kitabynan derekter keltirdi.
O.Súleımenov bul baǵdarlamanyń ózine jaqsy syılyq bolǵanyn jetkizip, stýdentterge alǵysyn bildirdi. «Eger avtordy túsinip, onyń aıtqan ósıetterin qabyl alsa, kez kelgen avtordyń júregi lúp etedi. Orys jazýshysy M.Gorkııdiń árbir baıandamasynan keıin qanshalyqty tolqý bolǵanyn mine qazir sezinip, túsinip otyrmyn», deıdi aqyn.
Sonymen qatar ol qazirgi kúngi adamzat ádebıetiniń damýy jaıynda áńgime qozǵap, óz oıyn bildirdi. Onyń pikirinshe, mádenıet pen óner qaqtyǵystary, ádebıettegi turmystyq jáne naryqtyq ekonomıka men daǵdarys jańa býyn aqyndarynyń toqyraýyna ákelýde. «Ádebıetti qorǵaý kerek! Ónerdi qorǵaý kerek, onsyz adamzat ómir súre almaıdy», dep atap ótti ol óz sózinde.
