Ádebıettaný deńgeıi tómendep bara jatyr - Murat Áýezov
ALMATY. 26 qyrkúıek. QazAqparat /Erlik Erjanuly/ - Ádebıettaný deńgeıiniń tómendeýi keıin úlken opyq jegizýi múmkin.
"Muhtar Áýezov" qorynyń prezıdenti Murat Áýezov "Qazirgi ádebıettaný, ónertaný jáne folklortanýdyń ózekti máseleleri" dep atalatyn halyqaralyq ǵylymı-teorııalyq konferentsııa qarsańynda QazAqparat tilshisine bergen suhbatynda osyndaı pikir bildirdi.
Mádenıettanýshy ǵalymnyń paıymdaýynsha, ult qaıratkerlerin zertteýde bizde áli de júıeli túrde izdenister bolmaı jatyr. Sonyń saldarynan kóp asyl dúnıe umyt bolyp, tek qana naýqan men mereıtoı bolǵanda ǵana oǵan kóńil bólinýde.
"Mundaı sharany sońǵy 3-4 jyldyń ishinde "Muhtar Áýezov" qory óz hal-qadirinshe júrgizip kele jatyr. Júıeli túrde Máskeý, Sank-Peterbor, Tashkent sııaqty ákemizdiń bolǵan jerlerinde bolyp, murasyn izdep júrmiz. Máselen, ózimniń muraǵatymnan eshbir jerde shyqpaǵan, Muqaǵalıdyń óz qolymen jazǵan Muhtar Áýezovke arnaǵan óleńin, sondaı-aq Danteniń "Táńirdiń tálkegi" týyndysy týraly oılary jáne bul shyǵarmany qalaı aýdarý kerektigi týraly óz qolymen jazǵan jazbalaryn taýyp aldym. Muqaǵalıdyń murasyn jınaıyq dep bireý jurtshylyqqa ún tastasa, ony árıne aparyp berer edim. Sondyqtan onyń kóshirmesin QR Tuńǵysh Prezıdenti qoryna bereıin dep otyrmyn", - dedi M.Áýezov.
