Ádebıet salasy boıynsha Nobel syılyǵy shved aqyny Týmas Transtremerge berildi
ASTANA. 6 qazan. QazAqparat - Ádebıet salasyndaǵy Nobel syılyǵynyń 2011 jylǵy laýreaty bolyp shved aqyny Týmas Transtremer atandy.
Júlde mynandaı sıpattamamen berildi: Transtremer «óziniń qanyq ári ashyq obrazdarymen shyndyqqa degen jańa kózqaras qalyptastyra aldy». Laýreattyń esimin 6 qazanda Stokgolmde Nobel komıtetiniń tóraǵasy Peter Englýnd jarııalady, dep jazady Lenta.rý.
Býkmekerler Týmas Transtremerge 2011 jylǵy Nobel syılyǵy ıegerleriniń arasyndaǵy úzdigi degen baǵa berdi. Jeńiske bir taban qalǵan úmitkerlerdiń arasynda sırııalyq aqyn Adonıs pen japonııalyq jazýshy Harýkı Mýrakamı bar.
Júldeniń kólemi 10 mln, shved kronyna teń (shamamen 1,4 mln. dollar). Resmı marapattaý saltanaty 10 jeltoqsanda Stokgolmde ótedi.
