«Ádebıet portalynyń» qyzmetkeri Daryn syılyǵyn ıelendi

NUR-SULTAN. QazAqparat – «QazAqparat» Halyqaralyq aqparat agenttigi» AQ «Ádebıet portaly» ınternet jobasynyń qyzmetkeri Arman Sherızatov «Daryn» jastar syılyǵyn jeńip aldy, dep habarlaıdy QazAqparat tilshisi.

Atalǵan syılyqta A. Sherızatov «Ádebıet» nomınatsııasy boıynsha úzdik atandy.

Eske sala keteıik, «Daryn» jastar syılyǵy Memleket basshysynyń bastamasymen 1992 jyly taǵaıyndalǵan bolatyn. Syılyq daryndy jastarǵa ǵylym, shyǵarmashylyq, qoǵamdyq qyzmet pen sporttyq jetistikteri úshin memleket tarapynan jyl saıyn beriledi.

Ár jyldary Baqtııar Artaev, Serik Sápıev, Ilıa Ilın, Denıs Ten, Dımash Qudaıbergenov, Marııa Mýdrıak, «Mýz ART» toby, Qalqaman Sarın jáne basqada azamattar atalǵan syılyqty ıelengen bolatyn.

2017 jyldan bastap «Daryn» syılyǵy jyl saıyn tabystalady. Al 2018 jyly syılyq kólemin úsh esege ulǵaıtý máselesi sheshilip, ár nomınatsııa boıynsha syılyq kólemi 600 myń teńge boldy.

«Daryn» jeńimpazdarynyń tolyq tizimin myna siltemeden oqýǵa bolady.