«Ádebıet portaly» «Kitap júkteý» qyzmetin iske qosty

ASTANA. QazAqparat - «Ádebıet portaly» qoldanýshylarǵa arnap «Kitap júkteý» qyzmetin iske qosty. Bul qyzmet arqyly kez kelgen oqyrman óziniń nemese basqa bir avtordyń PDF nusqadaǵy kitabyn portalǵa ornalastyra alady.

Bul portal jumysynyń jandana túsýine de, oqyrmandarymen baılanys jasap otyrýyna da sony serpin beretini anyq. Belsendi qatysýshylar óz qoldarynda bar elektrondy kitaptardy basqa oqyrmandarmen bólisýine de úlken múmkinshilik ashylyp otyr.

Kitap júkteý úshin portaldyń «Oqyńyz» bólimindegi «Kitaptar» degen siltemesine nemese negizgi bettegi «Kitap júkteý» degen bólimshege kirý kerek. Sosyn barlyq joldardy muqııat toltyryp, kitaptyń muqabasyn .jpg, .png formattarynda júkteý kerek. Osydan keıin kitap týraly málimetterdi engizip, PDF nusqadaǵy kitaptyń ózin de júkteýge bolady.

Al portalda jeke paraqshasy joq avtordyń kitabyn júkteý úshin kitaptyń málimetterin ornalastyryp bolǵannan keıin «Avtor qosý» tetigin basyp, odan keıin shyqqan joldardy muqııat toltyrý qajet. Avtordyń fotosy men ómirbaıanyn ornalastyrý kerek.

Barlyq jolaqtardy toltyryp bolǵannan keıin saqtaý tetigin basý arqyly barlyq málimetterdi portal ákimshilerine jiberesiz. Olar óz kezeginde júktelgen kitapty tekserip, jalpy oqyrmannyń nazaryna usynady.