Ádebıet pen óner salasyndaǵy QR-nyń 2012 jylǵy Memlekettik syılyǵyn taǵaıyndaý jónindegi komıssııa aldyn ala irikteýden ótken shyǵarmalardy anyqtady
ASTANA. 15 maýsym. QazAqparat - Ádebıet pen óner salasyndaǵy Qazaqstan Respýblıkasynyń 2012 jylǵy Memlekettik syılyǵyn taǵaıyndaý jónindegi komıssııa atalǵan syılyqty alý úshin aldyn ala irikteýden ótken jáne baıqaýdyń kelesi kezeńine jiberilgen shyǵarmalardyń tizimin usynady.
Tizimder «Egemen Qazaqstan» gazetiniń búgingi sanynda jarııalandy.
Ádebıet sektsııasy boıynsha
Aıtuly Nesipbek - aqyn, «Arqatirek», poemalar jınaǵy.
Qazaqstan Jazýshylar odaǵynyń basqarmasy men «Tumar» respýblıkalyq ádebı-kórkem jýrnaly usynǵan.
Bódeshuly Járken - aqyn, «Juldyztas», óleńder men dastandar jınaǵy.
Qazaqstan Jazýshylar odaǵynyń basqarmasy usynǵan.
Dáýtaev Nesipbek - prozashy, «Aıǵyrkisi», «Minez», 2 tomdyq tańdamaly shyǵarmalary.
Jambyl oblysy Taraz qalasynyń ákimdigi jáne Qazaqstan Jazýshylar odaǵynyń Jambyl oblystyq fılıaly usynǵan.
Dosanov Sábıt - prozashy, «Jıyrmasynshy ǵasyr» roman-epopeıasy.
Qazaqstan Jazýshylar odaǵynyń basqarmasy usynǵan.
Ermanov Júrsin - aqyn, «Yrǵaı», «Qustyń kóleńkesi», «Arnadym sizge» jyr jınaqtary.
Qazaqstan Jazýshylar odaǵynyń basqarmasy usynǵan.
Jıenbaı Qýanysh - prozashy, «Án salýǵa áli erte» romany.
Respýblıkalyq «Nur Astana» gazeti men «Astana» jýrnaly ujymdary usynǵan.
Qanapııanov Baqytjan - aqyn, prozashy, «Svetlıachkı» povester, áńgimeler jınaǵy.
«Aýdarma» baspasy, Qazaqstan, Jazýshylar odaǵynyń basqarmasy jáne Qazaqstan Respýblıkasy Tuńǵysh Prezıdenti - Elbasynyń qory usynǵan.
Nııazbek Rápilbek - aqyn, «Qanaǵat», óleńder jınaǵy.
Qazaqstan Jazýshylar odaǵynyń basqarmasy usynǵan.
Mýzyka, teatr jáne kıno sektsııasy boıynsha
Avtorlyq ujym: Otarbaev Rahymjan, Qasenov Erkin, Maqsutov Qanat, Annıkov Denıs, Ivanenko Vladımır. «Sultan Beıbarys» spektakli.
Astana qalasynyń Mádenıet basqarmasy usynǵan.
Dinishev Álibek - ánshi, Uly Otan soǵysyndaǵy Jeńistiń 65 jyldyǵyna arnalǵan kontserttik baǵdarlamasy.
Qazaqstan Mýzyka qaıratkerleri odaǵy usynǵan.
Myrzabekova Gaýhar - skrıpkashy, «A.Vıvaldı-A.Pıatsolla» «8 maýsym» jáne «Intrabaroque» kontserttik baǵdarlamalary.
Qazaqstan Kameratasy klassıkalyq mýzyka ansambliniń ujymy usynǵan.
Beıneleý óneri jáne sáýlet sektsııasy boıynsha
Dalbaı Nurlan - músinshi, «Qazaq eli» monýmentine músindik kompozıtsııalar.
Qazaqstan Sýretshiler odaǵy usynǵan.
Júnisov Rýslan - aǵash oıýshy, «Qazaqstan sıýıtasy» shaǵyn músinder toptamasy.
Qazaqstan Sýretshiler odaǵynyń Aqmola oblystyq fılıaly usynǵan.
Komıssııa bul shyǵarmalardy ashyq talqylaýǵa shyǵarmashylyq jáne qoǵamdyq uıymdardy, mádenıet ujymdaryn, osy salanyń mamandaryn shaqyrady.
Pikirlerińizdi osy jyldyń 10 qyrkúıegine deıin myna meken-jaıǵa joldaýlaryńyzdy suraımyz: 010000, Astana qalasy, Mınıstrlikter úıi, 15-kireberis, Qazaqstan Respýblıkasy Mádenıet jáne aqparat mınıstrliginiń Mádenıet komıteti. Tel.: 8 (7172) 740475, faks 740568.
