Ádebıet pen óner salasyndaǵy Qazaqstan Respýblıkasynyń 2010 jylǵy Memlekettik syılyǵyn berý jónindegi komıssııa úmitkerler tizimin QR Prezıdentine qaraýǵa jiberdi
STANA. Qyrkúıektiń 29-y. QazAqparat - Búgin Aqordada Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaevtyń tóraǵalyǵymen Ádebıet pen óner salasyndaǵy Qazaqstan Respýblıkasynyń 2010 jylǵy Memlekettik syılyǵyn berý jónindegi komıssııanyń qorytyndy otyrysy bolyp ótti.
QR Prezıdentiniń baspasóz qyzmeti habarlaǵandaı, otandyq shyǵarmashylyq zııaly qaýymnan qurylǵan komıssııa músheleri aldynda sóz sóılegen Memlekettik hatshy bul syılyqtyń máni men mańyzyna toqtalyp, tańdaý jasaýdyń jaýapkershiligi men maqsaty týraly aıtty. Mádenıet mınıstri M. Qul-Muhammed iriktelip alynǵan shyǵarmalardyń úsh aılyq merzimdegi talqylaný barysy jóninde habarlama jasady. Komıssııa músheleri oılaryn ortaǵa salyp, keńinen pikir alysty.
Otyrys qorytyndysynda Komıssııa músheleri jasyryn daýys berý arqyly Elbasynyń qaraýyna bekitýge usynylatyn úmitkerlerdi anyqtady.
Dástúr boıynsha Memlekettik syılyq laýreattaryn marapattaý Táýelsizdik kúni qarsańynda ótedi. Ony jańa laýreattarǵa Elbasynyń ózi tapsyrady.
