Ádebıet boıynsha Nobel syılyǵyn frantsýz jazýshysy Annı Erno aldy

LONDON. QazAqparat - Ádebıet boıynsha Nobel syılyǵyn avtobıografııalyq kitaptarymen tanymal frantsýz jazýshysy Ennı Erno aldy. Ol birneshe jyldan beri syılyq favorıtteriniń biri bolyp kelgen, dep habarlaıdy QazAqparat VVS-ge silteme jasap.

Ernonyń eń tanymal kitaptarynyń biri «Oqıǵada» 1963 jyly Frantsııada túsik jasatý zańǵa qaıshy bolǵan kezde jazýshynyń júktilikten qalaı qutylǵany jaıynda baıandalady.

Ótken jyly rejısser Odrı Dıvannyń osy kitap jelisimen túsirilgen fılmi Venetsııa kınofestıvalinde «Altyn arystan» júldesin jeńip aldy.

Bıyl býkmekerlik favorıtter tiziminde kóp nárse ózgergen joq, oǵan Ernodan basqa frantsýz jazýshylary Mıshel Ýelbek pen Marız Konde, japon Harýkı Mýrakamı, aqyn Enn Karson jáne kanadalyq jazýshy Margaret Etvýd kirdi.

Bıyl kóp jyldan beri kele jatqan taǵy eki úmitkerge kóńil bólindi.

Olar jaqynda shabýyl jasalǵan brıtandyq jazýshy Salman Rýshdı men orys jazýshysy Lıýdmıla Ýlıtskaıa.