Ádebıet boıynsha Nobel syılyǵyn amerıkalyq aqyn Lýıza Klıýk ıelendi

NUR-SULTAN. QazAqparat – Nobel syılyǵynyń ádebıet bólimi boıynsha 2020 jylǵy laýreaty amerıkalyq Lýıza Glıýk atandy, dep habarlaıdy QazAqparat Euronews agenttigine silteme jasap.

Marapat «qaıtalanbas poetıkalyq daýys, adamnyń jeke ýaıymyn adamzattyq dárejege jetkizgeni» úshin taǵaıyndaldy. Jalǵyzdyq, oqshaýlaný, qalaý, jaraqat – aqynnyń óz óleńderinde kóteretin taqyryby osyndaı.

Marapattaý rásimi Nobel komıtetiniń YouTube arnasynda kórsetildi.

Lýıza Glıýk 1943 jyly Nıý-Iorkte Aýstrııa-Vengrııadan shyqqan evreılerdiń otbasynda týǵan. Ol Sarra Loýrens kolledjinde jáne Kolýmbııa ýnıversıtetinde oqydy, biraq sol kúıi dıplom ala almady.

Keıinirek Ýılıamstaýndaǵy Ýılıams kolledjinde aǵylshyn tilinen sabaq berdi, sonymen qatar Iels, Boston jáne Aıov ýnıversıtetterinde oqytýshy boldy.

Glıýk – Amerıkanyń óner jáne ádebıet akademııasynyń múshesi, Amerıka aqyndary akademııasynyń kantsleri (1999), kóptegen marapat ıesi, onyń ishinde poezııasy úshin Pýlıttser syılyǵy (1993) men Ýolles Stıvens premııasyn (2008) ıelengen.

Qazirgi ýaqytta Massachýsets shtatyndaǵy Kembrıdjde turady.