Ádebıet boıynsha Nobel syılyǵy Majarstan jazýshysy Laslo Krasnahorkaıǵa berildi
ASTANA. KAZINFORM – Syılyq Laslo Krasnahorkaıǵa «apokalıptıkalyq sumdyq jaǵdaıynda ónerdiń qudiretin qaıtalaıtyn tartymdy jáne kóregen jumysy úshin» berildi, dep habarlaıdy BBC.
Laslo Krasnahorkaı – Ortalyq Eýropa dástúrindegi Kafkadan Tomas Bernhardqa deıingi jáne absýrdızm men groteskilik shekten shyǵýshylyqpen sıpattalatyn epıkalyq shyǵarmalardyń avtory. Nobel komıteti jazýshynyń ózge de shyǵarmashylyq qyry men qarym-qabiletterin joǵary baǵalady.
Eske sala ketsek, ádebıet boıynsha 2024 jylǵy Nobel syılyǵy ońtústik koreıalyq jazýshy Han Ganǵa «tarıhı aýyrtpalyqtarǵa qarsy turatyn jáne adam ómiriniń náziktigin áshkereleıtin qarqyndy, poetıkalyq prozasy úshin» berildi.
2025 jyldyń laýreattary
Nobel aptalyǵy 6 qazanda bastaldy. Bul kúni fızıologııa jáne medıtsına salasyndaǵy Nobel syılyǵy ımmýnıtet júıesin zerttegenderge berildi.
7 qazanda 2025 jylǵy fızıka salasyndaǵy Nobel syılyǵy amerıkalyq ýnıversıtetterdiń kvanttyq fızıkterine: Ulybrıtanııadan Djon Klarkqa, Frantsııadan Mıshel Devore jáne AQSh-tan Djon Martınıske berildi.
8 qazan kúni hımııa boıynsha Nobel syılyǵynyń laýreattary belgili boldy. 10 qazanda Osloda Beıbitshilik salasyndaǵy Nobel syılyǵynyń laýreaty, al 13 qazanda – 1968 jyly Shvetsııa banki qurǵan Alfred Nobeldi eske alýǵa arnalǵan ekonomıka ǵylymdary boıynsha Nobel syılyǵynyń laýreaty jarııalanady.
Hımııa salasyndaǵy Nobel syılyǵy metaldy organıkalyq karkas oılap tapqandarǵa berildi.