Ádebıet akademııasy ashylsa, aýyldaǵy talanttar da umyt qalmasa eken - jas aqyn
Onyń aıtýynsha, boıynda jalyny, qarymy, daryny bar, sóziniń sáni jáne aıbyny, aryny bar jastar qaı zamanda bolmasyn qoǵamnyń qozǵaýshy kúshi sanalady.
Qazaq ádebıetiniń tarıhynda qalǵan kil jaqsylar men jaısańdar jastarǵa úmit artyp, uıqyda jatyrǵan halyqty oıatýdy senip tapsyrǵan. Túsingenge, bul - jaýapkershilik.
Elbasy Nursultan Nazarbaev osy úrdisti jalǵastyryp, Joldaýlarynda jastar tarapyna basymdyq tanytyp, túbi baqandaı bir jyldy jastarǵa arnady. Bul - mártebe. Bul - silkinetin, jelpinetin, ozyq oıǵa kezek beretin, jarqyn isterge umtylatyn jyl. Urandatyp, minbelerden otty sózder aıtyp, qala berdi túrli aktsııalardyń basyn qaıyrýdy doǵaryp, eldiń, jerdiń paıdasyna asatyn iri jumystardy qolǵa alýymyz qajet.
- Jastar ıdeıa aıtsa, lezde oryndalatyn shaqta berilgen múmkindikti qalt jibermegenimiz abzal. Ushqan qustyń qanaty talatyn saıyn dala, birligi jarasqan, ataǵy men aıbary ǵasyrlardan ári asqan dúıim qazaqstandyqtar, halyqty jel men daýyldan qalqalaǵan, el úmitin arqalaǵan Elbasy memleketimizdiń bolashaǵyn bizdermen, ıaǵnı jastarmen baılanystyryp otyr. Endeshe, qos jeńdi túrip, álemniń jańalyqtaryn bilip, quzar shyńdaǵy jetistikterdi «ilip», alǵa qaraı qaryshtap júrip senim údesinen shyǵamyz dep úmittenemin. Jastar jelpinip bastady, senim men úmit bar, ras bári. Ashyq bop elimniń aspany, Alǵa bas, Qazaqstan jastary! - deıdi jas aqyn.
«Qalam men paraqty serik etken men úshin keshegi jıynda jas aqyn Mereı Qarttyń Elbasyǵa aıtqan ótinishi aıryqsha unady. ıAǵnı ádebıet akademııasyn ashyp, jastardyń jyrlaryn jahanǵa áıgili etý sekildi usynystyń ómirsheń bolýyn tiledim ishten. Akademııa ashylar bolsa, aýyldarda júrgen, tasada qalǵan talanttardyń esimderi elenip, ádebıette, bálkim, jańa baǵyttar dúnıege keler me edi?! Sol sebepti ádebıet akademııasynyń ashylýy jastar jylyndaǵy eń ǵalamat istiń biri bolyp tarıhta qalady dep oılaımyn», - dedi QazAqparat tilshisine Ádilet Orynbasarov.
