Ádebı týyndylardy shet tilderine aýdaratyn ortalyq kerek – Ulyqbek Esdáýlet

ASTANA. QazAqparat – Mádenıet jáne sport mınıstrliginiń keńeıtilgen alqa otyrysynda sóz sóılegen Qazaqstan Jazýshylar odaǵynyń tóraǵasy Ulyqbek Esdáýlet elimizde kórkem aýdarma ortalyǵyn qurý týraly usynys aıtty, dep habarlaıdy QazAqparat tilshisi.

«Qazaq shyǵarmalaryn shet tilderine aýdarý jáne ony shet elderge shyǵýy máselesi turalap tur. Bizdiń ádebıetimiz álemdik deńgeıdegi ádebıetterden kem emes. Tek ony aýdaryp, shetelge jetkizýge kúshimiz jetpeı otyr. Mysaly, Reseı aýdarma ınstıtýtyn qurdy. Al Ózbekstan Ózbek tili men ádebıeti ınstıtýtynda aýdarma fakýltetin ashyp, jastardy oqytyp jatyr. Osyndaı ádebıet ınstıtýty Qytaıda bar. Saýd Arabııasynda Ádebıet jáne aýdarma degen komıtet bar. Sondyqtan bizge kórkem aýdarma alqasy nemese kórkem aýdarma ortalyǵy sııaqty uıym qurý kerek. Bul mınıstrliktiń qolǵa alatyn dúnıesi», - dep usynys bildirdi Ulyqbek Esdáýlet mınıstrliktiń keńeıtilgen alqa otyrysynda.

Buǵan qatysty pikir bildirgen Mádenıet jáne sport mınıstri Ashat Oralov aldaǵy ýaqytta bul bastama vedomstvo tarapynan eskeriletinin jetkizdi.