ADB Qyrǵyzstannyń ınvestıtsııalyq jobalaryna 222 mln dollar bóledi

ASTANA. KAZINFORM — Azııa damý banki Qyrǵyzstanǵa memlekettik ınvestıtsııalyq jobalar men baǵdarlamalardy qarjylandyrý úshin 74,8 mln dollar grant jáne 147,2 mln dollar jeńildik nesıe beredi, dep habarlaıdy Kazinform tilshisi.

2024 jylǵy 4 qarashada Bishkek qalasynda qol qoıylǵan Qyrǵyz Respýblıkasy men Azııa damý banki arasyndaǵy 2025 jylǵa deıingi qarjylandyrý jospary týraly negizdemelik kelisimdi ratıfıkatsııalaý týraly zań jobasy Jogorký Keneshtiń qaraýyna jiberildi.

Qujatqa sáıkes, ADB 2025 jyly Qyrǵyz Respýblıkasynda kelesi jobalar men baǵdarlamalardy aldyn ala qarjylandyrady:

— Klımatqa jáne apatqa tózimdi sý basqarý jobasyn qarjylandyrý (usynylǵan qarjylandyrý 40 mln dollar);

— qoljetimdi ári energııa únemdeıtin turǵyn úıge qoljetimdilikti keńeıtý jobasy (65 mln dollar);

— klımattyq jaǵdaılar eskerilgen reforma, PBL (50 mln dollar);

— SEFF 2 (Turaqty energııany qarjylandyrý quraly) sheńberinde Bishkektegi tómen kómirtekti mýnıtsıpaldy ǵımarattardy qaıta jańǵyrtý jobasy (3 mln dollar);

— SEFF 2 (Turaqty energııany qarjylandyrý quraly) sheńberindegi «Kásipkerlik qyzmet kórsetý ortalyǵyn damytý» qyzmeti (1 mln dollar);

— SEFF 2 (Turaqty energııany qarjylandyrý quraly) sheńberinde jańartylatyn energııa sektoryn damytý jobasy (5 GES-te qalqymaly kún batareıasy) (530 myń dollar);

— «Almaty-Bishkek» ekonomıkalyq dálizi: aımaqtyq shekara qyzmetin jaqsartý jobasy (37,5 mln dollar);

— qoǵamdyq ǵımarattardaǵy energııa tıimdiligi (25 mln dollar).

Buǵan deıin Qazaqstan men Qyrǵyzstan saıası jáne ekonomıkalyq yntymaqtastyqty keńeıtetini aıtyldy.