Adaı jáne Qostanaı tuqymdy jylqylardy zertteýge 682 mln teńge bólinedi

ASTANA. QazAqparat – Premer-Mınıstr Álıhan Smaıylov Senat depýtattarynyń saýalyna joldaǵan jaýabynda Adaı jáne Qostanaı tuqymdy jylqylaryn ǵylymı zertteýge 682,5 mln teńge bólinetinin aıtty, dep habarlaıdy QazAqparat tilshisi.

«Qostanaı jylqysynyń tuqymyn esepke alý, asyl tuqymdy ekeni týraly kýálik pen mártebe berý, baǵalaý, sondaı-aq synaqtan ótkizý máseleleri asyl tuqymdy mal sharýashylyǵy salasyndaǵy qoldanystaǵy zańnamamen rettelgen. Aýyl sharýashylyǵy mınıstrligi 2024-2026 jyldarǵa arnalǵan baǵdarlamalyq qarjylandyrý aıasynda «Adaı jáne Qostanaı tekti qazaqı jylqynyń júriktigin jetildirý jáne saqtaý» ǵylymı-zertteý baǵdarlamasyn iske asyrýdy josparlap otyr. Oǵan shamamen 682,5 mln teńge bólý kózdelgen», - dep jazylǵan Úkimet basshysynyń jaýabynda.

Eske salsaq, byltyr Prezıdent Qasym-Jomart Toqaev Úkimetke Adaı jylqysyn ǵylymı túrde asyl tuqymdy mal retinde tanyp, sanyn kóbeıtý úshin tıisti jumystardy jedel qolǵa alýdy tapsyrǵan bolatyn.