Adaı tuqymdas jylqynyń 6 túri jańa ulttyq brend retinde tirkeldi
Búgin QR Ádilet mınıstrligi Adaı tuqymdas jylqylardyń 6 túrin jańa ulttyq brend retinde tirkedi. Bul týraly Ádilet mınıstrliginiń baspasó qyzmeti habarlady, dep jazady Kazinform.
28 jeltoqsanda Ádilet mınıstrliginiń «Ulttyq zııatkerlik menshik ınstıtýty» RMK Aýyl sharýashylyǵy mınıstrligi Aprobatsııa jónindegi memlekettik komıssııasynyń qorytyndysy negizinde selektsııalyq jetistikke alty patent berý týraly sheshim qabyldady jáne selektsııalyq jetistikterdiń memlekettik tiziliminde tirkedi.
Osynyń negizinde Adaı jylqysynyń jańa tuqymdaryn Qazaqstan Respýblıkasynyń selektsııalyq jetistigi retinde tirkeý jáne patent ıelenýshiniń selektsııalyq jetistikti paıdalanýǵa aıryqsha quqyǵyn, onyń basymdyǵy men selektsıonerdiń avtorlyǵyn kýálendiretin patentter berdi.
2023 jylǵy 29 jeltoqsanda patentter berý týraly málimetter resmı bıýlletende jarııalandy.
Esterińizge sala keteıik Memleket basshysy Qasym-Jomart Toqaevtyń Mańǵystaý oblysyna saparynyń qorytyndysy boıynsha Úkimetke Adaı asyl tuqymdy jylqysyn ǵylymı turǵydan dáleldeý jáne ósimin molaıtý boıynsha jedel jumys júrgizý týraly tapsyrma berilgen bolatyn.
Adaı jylqysynyń jańa tuqymdaryna patent alý ony odan ári saqtaýǵa, irikteýge jáne Qazaqstan Respýblıkasynyń Ulttyq brendin damytýǵa yqpal etetin bolady.
