Adaı kúıin kúmbirletken astrahandyqtar Atyraý oblysyna chellendj joldady
Reseılik dombyrashylar Qurmanǵazy kesenesiniń aldynda kompozıtordyń «Adaı» kúıin oryndaǵan. Olardyń arasynda eresekter de, balalar da bar.
«Bıyl qazaqtyń uly kompozıtory, kúıshi, dombyrashy Qurmanǵazy Saǵyrbaıulynyń mereıtoıyn atap ótemiz. Osyǵan oraı, biz – Astrahan oblysynyń dombyrashylary Atyraý oblysyna chellendj joldaımyz», -deıdi Qurmanǵazy atyndaǵy óńirlik mádenı ortalyǵynyń dırektory Amangeldi Ábilǵazıev.
Qazaq jerinde kindik qany tamǵan uly kúıshi Reseı Federatsııasyndaǵy Altynjar aýylynda jerlengen. Bul aýyl Astrahan oblysynyń Volodar aýdanynda ornalasqan.
«Altynjar aýylynda 2005 jyly Qurmanǵazy atyndaǵy óńirlik mádenı ortalyq ashyldy. Qazir atalǵan ortalyq Astrahan oblysyndaǵy mańyzdy mádenı jáne tanymal týrıstik nysandardyń birine aınaldy. Bizdiń ortalyqqa alys-jaqyn shetelderden jyl saıyn myńǵa jýyq adam keledi. Týrısterge Qurmanǵazy Saǵyrbaıulynyń, onymen zamandas bolǵan qazaqtardyń ómiri týraly maǵlumat beremiz. Ortalyqta uly kúıshiniń shyǵarmashylyǵy, ómiri týraly syr shertetin eksponattar qoıylǵan mýzeı men týrıster úshin qonaqúı jumys istep tur. Munda Samal» qazaq mýzykalyq ansambli men «Belyı gorod» orys mýzykalyq ansamblinde 40-qa jýyq adam jumys isteıdi. Deni – qandastarymyz, arasynda 25 dombyrashy bar», - deıdi Amangeldi Ábilǵazıev.
Eske sala ketelik, buǵan deıin Atyraý oblysy men Reseı arasyndaǵy saýda aınalymy 30 mln AQSh dollaryna jýyqtaǵanyn jazǵan edik.
